Зошто тврдоглаво се држиме до оние што ни го кршат срцето

Страв од пропуштени шанси

Некои луѓе како деца не биле доволно сакани. Други биле емоционално повредени во тинејџерските години. Поради тоа, тешко им е да направат реална проценка на врските во зрелата доба. Секоја ситна грижа од партнерот се доживува како вистински благослов, му се препишуваат доблести кои реално не постојат, а очигледните предупредувачки знаци постојано се игнорираат.

Не се сакаме себеси

Дури и многу успешни и атрактивни жени неретко немаат доволно самодоверба. Тогаш доаѓа бесконечното прашување: „Што правам погрешно?“ и „Дали се трудам доволно?“ Таа внатрешна борба покажува дека не се сакате доволно, а истото го чувствува и вашиот партнер кон вас. Најпаметно би било да ставите крај на таквата врска, но тоа ќе стане можно дури тогаш кога ќе научите да се цените себеси и своите потреби.

Страв од осаменост

Простата мисла „Кој ќе ме сака?“ уништила многу женски животи. Стравот од осаменост е втор најголем страв по стравот од смртта. Кај многумина тој е толку моќен што се подготвени да трпат било што, само за да не останат сами. Проблемот е што стравот од осаменост се чувствува – а безобѕирниот партнер сигурно ќе го искористи тоа.

Тврдоглавост

Некои од нас се природно многу тврдоглави и каприциозни. Понекогаш и самите сме свесни дека личноста со која сме не е добра за нас, но упорно се држиме до неа. Ова станува прашање на инает: „Ќе го променам – тоа е мојата цел“. Можеби навистина и ќе успеете. Но многу поверојатно е дека само ќе потрошите време и нерви залудно.

Високи очекувања

Дури и најциничните личности очекуваат нова бура од страсти. Потсвесно бараме маж кој ќе го разбуричка срцето, ќе создаде тензија и ќе предизвика вистинска емоционална бура. Го чекаме моментот на „хемија“, искри и пеперутки во стомакот. Ако тоа не се случи уште на првиот состанок, веднаш се откажуваме. Добронамерните, скромни мажи ни изгледаат досадно, просечно и неатрактивно. Но, ако се откажеме од тој шаблон и го свртиме фокусот, може да откриеме нешто сосема неочекувано: со љубезен и искрено заинтересиран маж, може да биде многу подобро отколку со вешт освојувач на срца.