Зошто Снежана Ѓуришиќ и Вања никогаш не стапија во брак? Пејачката стави крај на шпекулациите

Љубовната приказна меѓу Снежана Ѓуришиќ и Вања Милошевиќ привлекува внимание уште од 2017 година, кога започна нивната врска.

Нивната прва средба се случила сосема случајно, на промоција на книга од Јелена Бачиќ Алимпиќ. Снежана повеќепати има изјавено дека токму судбината имала клучна улога во тој момент.

– Се двоумев дали да одам, затоа што најтешко ми паѓа спремањето, ама сепак отидов. Одеднаш од позади ми се појави Вања и рече: „Снешка, добар ден, ако не ти се брза, сврати да испиеме едно пијалокче“. Така сè почна – открила пејачката.

Од тогаш, нивната врска постојано се развива, а Снежана никогаш не ја криела благодарноста што повторно ја почувствувала љубовта, по загубата на сопругот.

– Љубовта е лек за сè, а највозвишено е што доаѓа од Бог. Благодарна сум што ја имам таа привилегија да ја доживеам љубовта – и кон партнерот и во животот воопшто – изјавила таа во една пригода.

Иако Снежана и Вања со години уживаат во својот однос, многумина се прашуваат зошто се уште не се венчале. Пејачката отворено зборуваше на оваа тема и не го криеше својот став дека бракот не е нејзин приоритет.

– Ние сме луѓе во години. Не можеме да бидеме дечко и девојка – тоа би било смешно. Ако требаше да се венчаме, досега ќе го направевме тоа. Тоа го имам појаснето неколкупати. Нема причина да се венчаме – изјавила искрено.

– Зад нас имаме животи, имаме внучиња, ни е убаво во врската каква што е. Колку ќе трае, само Бог знае – додала таа, упатувајќи кратка порака: „Се молам да трае засекогаш.“

Снежана го имала долгогодишниот брак со Слободан Гвозденовиќ, со кого има син и ќерка, додека Вања Милошевиќ има четири деца од претходни врски, но никогаш не застанал пред олтар.

Токму таа слобода и животното искуство, според нив, се причината зошто нивната љубов трае без потреба од формални потврди.