Вработените во аеродромот во Бејрут пронашле чудна дрвена кутија со неколку дупчиња, без каква било адреса, која неколку дена никој не дошол да ја земе.
Откако поминала една недела и никој не дошол да ја подигне кутијата, службениците одлучиле да ја отворат, оти почнале да се сомневаат дека претставува потенцијална опасност по безбедноста. Донекаде и биле во право, но таа „потенцијална опасност“ била во многу рана фаза.
Внатре имало три сибирски тигарчиња. Изненадувачки, тие останале живи, но биле во критична состојба, изгладнети, дехидрирани и многу исплашени. Властите веднаш ги повикале ветеринарните служби и животинчињата биле згрижени. Моментно, тие се во зоолошка во Бејрут.
Се уште не познато кој е испраќачот, ниту пак, за кого била наменета пратката.
Учество во игри на среќа е дозволено за лица со 18+ години. Играј одговорно!