Уствари викендов е затишје пред бура! ↓↓↓
Времето во Македонија и денеска, петок, 22. јули, ќе биде сончево и многу топло со слаб до умерен ветер од северен правец. УВ индексот ќе биде 9.
Во Скопје максималната дневна температура ќе биде 39 Целзиусови степени, Маврово 30, Охрид 35, Битола 37, Крива Паланка 35, Берово 34, Кавадарци 40, Дојран 41.
И утре времето ќе биде сончево и многу топло со мала до умерена локална облачност и со слаб до умерен ветер од променлив правец. Температурите ќе се движат од 30 до 41 степен, а УВ индексот ќе биде 9.
Под влијание на топол бран следува период на многу топло време со високи температури кои ќе бидат над просекот и на целата територија ќе биде активирано портокалово ниво на опасност од високи температури.
Во недела попладне и кон крајот на денот ќе има зголемена облачност и услови за изолирана појава на нестабилност со засилен ветер, краткотраен пороен дожд и грмежи.
