Засладете ги вашите сетила со извонредната торта тирамису

ЗАДОВОЛЕТЕ ГИ ВАШИТЕ СЕЌАВАЊА СО ИЗВОНРЕДНАТА ТИРАМИСУ ТОРТА

Познатиот десерт со потекло од Италија, тирамису, на едно место ги обединува сите оние вкусови кои толку многу ги сакаме.

Кремаста, вкусна и со полнота на вкусот на кафе, таа е извонреден десерт за сите оние кои сакаат да си угодат себеси. Според оригиналниот рецепт, за да се направи оваа торта е потребен карактеристичниот италијански маскарпоне сирење. Покрај него, суштината на тортата ја сочинуваат пишкоти и неизоставното инстант кафе. Но овојпат, ќе го замениме италијанското сирење со домашна варијанта и ќе ви покажеме како можете да ги задоволите вашите сетила моментално оваа есен.

ПОТРЕБНО:

• 400 г сирење по ваш избор (што е можно поблизу по текстура кон маскарпоне)
• 2 пакети пишкоти (доколку не сакате пишкоти, можете да ставите плазма бисквити)
• 5 лажици шеќер во прав
• 1 жолчка
• 500 мл слатка павлака
• инстант кафе
• какао во прав за посипување

ПОДГОТОВКА:

Изматете ја жолчката, шеќерот во прав и сирењето по ваш избор со миксер. Одделно изматете ја слатката павлака (внимавајте да не претерате, бидејќи може да се врати во течно состојба). Додадете ја изматената слатка павлака во претходната мешавина. Подгответе нешто посилно инстант кафе. Натопете ги пишкотите од двете страни и наредете ги една до друга во малку подлабок плех. Откако ќе го покриете дното на плехот, прелијте ги со здружената мешавина. Додајте уште еден ред натопени пишкоти одозгора, покријте ги со преостанатата мешавина и ставете го во фрижидер да се добро излади. Пред сервирање посипете ги со какао во прав.

Добар Апетит!