Зара Hair Care: ново ниво на нега што ја издигнува вашата коса

Zara повторно изненадува – овојпат со нова димензија на нега што косата ја издигнува на повисоко ниво

Zara не запира кога станува збор за новитети! Откако го освои светот на модата, брендот сега влегува во нова сфера – првата линија производи исклучиво посветена на нега на коса.

Овојпат фокусот не е само на изгледот, туку на суштината – здрава, негувана коса што сама по себе станува основа за секој стил.

Новата колекција Zara Hair Care нуди сè што ви треба за косата да заблеска: од нежни шампони и хранливи регенератори, до маски кои длабински ја обновуваат и хидрираат. Линијата е вистински сојузник за сите типови коса, овозможувајќи прилагодлива база за секојдневни авантури – без разлика дали се работи за природно сушење, стилизирање со термални алатки или креативен, експериментален изглед.

Престижниот Гвидо Палау, долгогодишен соработник на брендот и креативен ум, истакнува дека клучот на секоја трансформација е здравата коса: „Кога влакното е силно, негувано и хидрирано, секој стил доаѓа до израз. Од елегантни пунџи до лежерни бранови – совршената коса е секогаш добар почеток.“

Четири линии за четири различни типови коса

Zara Hair Care пристапува персонализирано, нудејќи четири колекции за четири типа:

Fine – лесна формула што нежно ги чисти тенките влакна, оставајќи ги лесни, воздушести и подготвени за стилизирање.

Medium – избалансирана нега за коса со средна густина, со природен сјај, мека текстура и заштита од секојдневно оштетување.

Thick – интензивна хидратација и контрола на фриз ефектот кај густа и непослушна коса што сега станува помека, посјајна и полесна за обликување.

Curly – специјализирана нега за кадрава коса, која спречува сушење и овозможува обликување совршени локни со леснотија.

Елегантниот визуелен идентитет е дело на Барон и Барон, кои со боји и текстури ѝ дадоа препознатлив карактер на секоја колекција. Волшебниот мирис го потпишува Жером Епине – комбинација од цветни и цитрусни ноти со суптилен завршеток на мошус, што секоја употреба на производите ја претвора во сензорен ритуал.

Совети од експерти за беспрекорна нега дома

– Пред миење, внимателно исчешлајте ја косата за да ги отстраните евентуалните јазли.

– Шампонот нанесете го на коренот и со кружни движења масирајте го скалпот, а пената нека тече кон врвовите.

– Регенераторот нанесете го на должината и врвовите, а потоа внимателно растргнете ги влакната со прсти пред да исплакнете.

– Испирањето завршете го со млака или студена вода за да се „заклучат“ влакната и да се зголеми сјајот.

– По миењето, косата избришете ја со тапкање со пешкир, без триење, за да избегнете појава на фриз и оштетување.

Новата Zara Hair Care колекција е совршен спој на ефикасност, луксуз и младешка енергија. Секој производ е создаден со цел да негува, заштитува и инспирира. Сега, негата на косата не е само рутина – туку мал ритуал на убавина што секојдневно го поттикнува самодовербата и овозможува секој стил да изгледа совршено.