Заборавете на скапите суплементи – ова пијалок од детството прави чуда по тренинг

Кој би помислил дека истото чоколадно млеко кое го пиевме како деца денес важи за еден од најделотворните напитоци за обнова по тренинг?

Излегува дека зад овој „слаток гилти плеже“ стои вистинска наука – и тоа потврдена со истражувања.

Тренерите на маратонците често го препорачуваат веднаш по минувањето низ целната линија, затоа што чоколадното млеко има идеален сооднос меѓу јаглехидрати и протеини – 3:1. Токму оваа комбинација помага да се наполнат резервите на енергија, мускулите побрзо да се обноват и силата да се врати по напорен тренинг. Дополнителен бонус? Освен протеини и јаглехидрати, содржи и електролити како калиум и натриум, но и калциум и витамин Д – клучни поддржувачи на здрави коски, особено важни за жените.

Најдобро време за чоколадно млеко е во првиот час по тренинг – тогаш телото најдобро ги апсорбира хранливите материи. За разлика од протеински прашоци и скапи суплементи, овој напиток е едноставен, пристапен, и – можеби најубавото – вкусен. Уште една предност: содржи ги сите девет есенцијални амино киселини кои телото не може само да ги создаде. Накратко – практичен, хранлив и носи мирис на детството.

Секако, чоколадното млеко всушност е обично млеко со додаден какао и шеќер. А тука доаѓа уште една погодност – флавоноидите од какаото, силни антиоксиданси што ја подобруваат циркулацијата и снабдувањето со кислород до мускулите. Не е ни чудо што многу спортисти го нарекуваат „течен природен допинг“.

А што ако не ви се допаѓа чоколадното млеко? Сличен ефект има комбинацијата млеко и банана, или парче тост со путер од кикиритки – можеби не толку возбудливо, но подеднакво корисно. Важно е телото веднаш по вежбањето да добие и протеини и јаглехидрати.

Сепак, постои еден „но“: лицата со интолеранција на лактоза треба да избираат верзии без лактоза, додека растителните алтернативи како бадемово или овесно млеко не се еднакво ефективни – едноставно немаат доволно протеини, јаглехидрати и целосен амино профил.

Затоа чоколадното млеко останува шармантна комбинација од носталгија и наука: сладок потсетник од детството што стана сериозен фитнес сојузник.