Во авионска трагедија во Казахстан загинаа најмалку 15 лица, над 60 се тешко повредени

Во урвањето на патничкиот авион од типот “Фокер-100” непосредно по полетувањето од аеродромот во казахстанскиот град Алмати загинаа најмалку 15 патници, а најмалку 60 се тешко повредени.

Авионот на компанијата “Бек-Ер” почнал нагло да губи висина, пробил бетонски ѕид и удрил во мала станбена зграда.

Крајната дестинација на авионот била до најголемиот град на оваа земја Нур-Султан.

Авионот се срушил само 19 минути по полетувањето. Нема информации дали пилотот веднаш пријавил некаков проблем.

Загинати се најмалку 15 патници, а 60 се потешко повредени. Авионот имал 93 патника и пет членови на екипажот.