Три знаци дека несвесно ги одбивате мажите

Иако можеби лесно ви оди да привлечете мажи, на крајот секој од нив си заминува од вас.

Тоа може вистински да ве повреди, бидејќи во суштина сепак се работи за одбивање – а кој сака да биде одбиен? Јасно е дека не можете да им се допаднете на сите мажи, но веројатно сакате да бидете сигурни дека не ги одбивате несвесно оние вистинските. Еве неколку знаци кои можат да укажат дека можеби несвесно го правите токму тоа.

1. Ја преземате неговата улога

Живееме во време кога жените значително ја променија својата традиционална улога. Тоа е одлично, но како последица, многу мажи се чувствуваат сè помалку машки. Мажите сепак имаат различна улога и во општеството и во врските, и кога вие се обидувате да ја преземете таа негова позиција, врската почнува да се распаѓа.

2. Самите си сте најголем непријател

Дали тоа се последици од трауми од детството или од минати врски, но не можете да очекувате партнер да остане покрај вас ако самите себеси си ја поткопувате врската. Добар маж нема да ве остави без причина. Тешко е да се признае, но понекогаш токму вие сте проблемот – и тоа е нешто со што мора да се соочите.

3. Вашите реакции ја запечатија вашата судбина

Дали ви кажале дека сте несигурни, дека барате премногу и слично? Тоа боли, особено ако вие не се гледате така. Но, на сите ни се случува емоциите да не совладаат. Мажите ја чувствуваат женската реакција, дури и ако не ја разбирате така. Тие сфаќаат многу повеќе отколку што мислите. Реакциите може да му го променат мислењето за вас. Обидете се да ги контролирате емоциите и внимателно размислете пред секој збор или постапка.

Добар маж ќе биде подготвен да направи сè за да бидете среќни, но не можете да го очекувате тоа ако не возвратите на ист начин.