Трендови што ќе ја одбележат 2026 година според Пинтерест

Трендовите што ќе владеат со 2026 година според Pinterest

2025 година тивко се повлече од модната сцена – за некои беше година на среќа, за други чист стилски хаос, а модниот свет веќе со полна брзина скролува кон новата ера – 2026 година.

Ако некој има кристална топка за модни предвидувања, тоа дефинитивно е Pinterest. Платформата која ја диктира естетиката на новата генерација ги објави своите прогнози, и едно е јасно: нè чека година без ограничувања.

Заборавете на „тих луксуз“ и суптилни парчиња кои шепкаат елеганција – 2026 носи целосно враќање на чистиот гламур, храбриот максимализам и модните изјави кои не се извинуваат никому. Иако Пантоне ја истакнува белата нијанса Cloud Dancer како боја на годината, Pinterest порачува сосема спротивно – екстравагантно, впечатливо и драматично ќе биде насекаде.

Deer Print

Анимал принтот останува вечна опсесија, но во 2026 добива порафиниран облик. Наместо агресивни дезени, во фокусот е принтот инспириран од срна – понежен, поромантичен и визуелно богат мотив што веќе ги освојува колекциите на многу модни куќи. Елегантна алтернатива на класичниот анимал принт, која делува луксузно, но не нападно.

Чипка

Романтиката се враќа, и тоа со доза на храброст. Чипката веќе не е резервирана само за вечерни фустани или долна облека – во 2026 ќе ја сретнеме таму каде што најмалку очекуваме: на кошули, панталони, па дури и на oversized парчиња. Сензуална, но моќна – чипката станува клучен моден елемент.

Брошеви

Овој некако заборавен аксесоар конечно излегува од сенка. По неколку сезони на тивко враќање, брошевите во 2026 го добиваат централното место – големи, впечатливи и често инспирирани од винтиџ стил, ќе се носат на сакоа, палта, чанти, па дури и на џемпери.

Icy Blue

Додека Пантоне ја турка белата во прв план, Pinterest има нов фаворит – „ледено сина“. Студена, футуристичка и екстремно фотогенична, оваа нијанса носи моментален луксуз во секој аутфит – од минималистички комбинации до полн гламурозен изглед.

Glamoratti

Pinterest овој термин го благословува како стилска филозофија – „или оди до крај или не оди воопшто“. Асиметрични силуети, драматични линии со нагласени раменици, скулптурални кроеви и масивен златен chunky накит – сè што е големо, впечатливо и театрално ќе биде апсолутен хит.

2026 година ги брише границите, руши правила и ја слави модната слобода. Колку посмело – толку подобро. Колку погламурозно – уште подобро. Ако Pinterest е во право (а обично е), пред нас е година во која модата повторно станува вистински спектакл.