Home Актуелно Токсичен шок е причината за смртта на младата трудница во Штип

Токсичен шок е причината за смртта на младата трудница во Штип

Токсичен шок е најверојатно причината за смртта на трудницата која во понеделникот почина во болницата во Штип.

Вчера лекарскиот тим на болницата информираше дека трудницата била во деветтиот месец на бременоста и во неделата со висока температура се јавила во итната помош. Тука добила соодветна терапија, но ситуацијата не ѝ се подобрила и во понеделникот со упат од матичниот гинеколог, со симптоми на дијареа дошла на гинеколошкото одделение во болницата во Штип.

Пациентката тука западнала во шок, па лекарите цели три часа се обидувале да ја спасат и мајката и бебето, пробале да ја породат со царски рез, но машкото бебе било извадено починато. На трудницата ова ѝ била прва бременост.

Обдукцијата треба да ги покаже точните причини за смртта на трудницата. Лекарите велат дека со ваков случај за првпат се соочуваат во штипската клиничка болница. Најавено е дека случајот ќе го испитува и стручна комисија на Министерството за здравство.

Load More Related Articles
Load More In Актуелно
Comments are closed.

Check Also

КПХФВ: Уличниот стил во Копенхаген ја обликуваше и обои радоста

Вистина е дека, со целиот хип околу Париската недела на висока мода, Копенхаген можеби ост…