Најновото истражување во САД покажа дека постепено е во раст стравот на купувачите од автомобили со самовозачка технологија.
Овој тренд е воочен по неколкуте сообраќајни незгоди во кои учествувале ваквите возила, како инцидентите со Уберовиот тест автомобил, кој прегази жена во Ариозан или Тесла модел Х кој влета во бетонска ограда во текот на работа на „автопилотот“.
Во однос на изминатата година, недовербата кон оваа технологија во САД порасна за дури 10%, на 73%, пишува Блумберг.
Интересно е што анкциозноста ја предводат младите генерации, од 20 до 37 години, од кои 64% признаа дека се плашат од роботираните автомобили. Тоа е 15% повеќе од шест месеци порано.
Најголем страв имаат жените, од нив 83% се плашат ао автоматските возила, а 70% од нив се плашат да учествуваат во сообраќајот ако го делат патот со автомобил без возач.
Меѓутоа, и покрај ваквиот страв 55% од испитаниците сакаат да поседуваат вакво возило.
Студијата покажа дека 94% од несреќите се предизвикани поради човечка грешка. Иако несреќите во кои учествувале ваквите автомобили се медиумски експонирани, аналитичарите тврдат дека ваквите возила се многу посигурни од просечен возач.
