Србија стравуваше од ова: Кошаркарската федерација излезе со официјално соопштение за Богдан Богдановиќ

Србија стравуваше од ова: Кошаркарската федерација излезе со официјално соопштение за Богдан Богдановиќ

Навивачите на Србија од синоќа се во голема неизвесност, откако капитенот на „орлите“ Богдан Богдановиќ го напушти теренот поради повреда на задната ложа за време на победата против Португалија.

Тишината што завладеа по натпреварот брзо прерасна во загриженост, бидејќи многумина стравуваат дека ваквата повреда би можела сериозно да ги загрози амбициите на српската репрезентација на Европското првенство во Рига.

Кошаркарската федерација на Србија денеска конечно излезе со официјално соопштение и ги објави првите резултати од лекарските прегледи.

Како што се наведува, Богдановиќ веднаш бил подложен на магнетна резонанца, која ја потврдила повредата на задната ложа на бутниот мускул. Сепак, беше истакнато дека се потребни дополнителни испитувања пред да се постави конечна дијагноза и да се процени времето на опоравување.

Единствено што во моментов е сигурно – Богдан Богдановиќ нема да настапи во третото коло против домаќинот Летонија, што е голем удар за селекторот Светислав Пешиќ и за целиот тим.

Проф. д-р Драган Радовановиќ изјави:

– Капитенот на репрезентацијата на Србија, Богдан Богдановиќ, се здоби со повреда на натпреварот против Португалија во второто коло од групната фаза на Европското првенство во Рига. По повредата, денеска е направена магнетна резонанца која покажала оштетување на задната ложа на бутниот мускул. Потребни се дополнителни испитувања кои ќе се спроведат за да се постави точна дијагноза и прогноза. Богдан Богдановиќ нема да настапи на натпреварот против Летонија во сабота.

Кошаркарската федерација на Србија информира дека јавноста навремено ќе биде известена за понатамошниот тек на опоравувањето на Богдан Богдановиќ.

Веста предизвика лавина реакции на социјалните мрежи. Навивачите изразуваат огромна загриженост, но и надеж дека опоравувањето ќе биде брзо, и дека Богдановиќ повторно ќе ги предводи „орлите“ во решавачките мечеви.

Играчот со најдолг стаж во репрезентацијата од 2013 година и човекот кој е вистински лидер и на теренот и во соблекувалната, со своето отсуство оставa огромна празнина.

Натпреварот против Летонија ќе биде шанса да се покаже широчината на српскиот тим и да се потврдат зборовите на Пешиќ дека Србија има повеќе лидери. Сепак, сите погледи остануваат насочени кон Богдан, бидејќи без него „орлите“ губат и капитен и најголема поддршка.