И денес во Македонија ќе имаме сончево време со мала до умерена локална облачност. Ќе дува умерен, а вдолж Повардарието повремено засилен ветер од северен правец. Утринската температура ќе се движи од минус 7 до 0, а дневната од 5 до 11 степени.
Во Скопје сончево со мала до умерена облачност и со слаб до умерен ветер од северен правец. Утринската температура ќе се спушти до минус 3, а дневната ќе достигне до 7 степени.
Во Маврово дневната температура ќе достигне до 6 степени, Охрид 8, Битола, Крива Паланка и Берово 5, Кавадарци 9, Дојран 11 степени.
Утре времето ќе биде сончево со мала до умерена локална облачност. Ќе дува умерен, а наместа засилен ветер од северен правец,, вдолж Повардарието повремено ќе се засилува. Дневните температури ќе се движат од 5 до 11 степени.
За време на викендот ќе биде променливо облачно. Во недела ќе има повремени врнежи од дожд.
