Откако беше во посета на украинските бегалци во Полска, славниот холивудски актер Бен Стилер појде и во официјална посета на претседателот на Украина, Володимир Зеленски.
Зеленски за оваа посета објави и на Телеграм.
„Украинците ја имаат поддршката од целиот свет, од многу познати личности. Посетата на Бен Стилер уште еднаш го потврдува тоа. Вашите средби со нашиот народ зборуваат многу. Цениме што сте тука во овој тежок момент за нашата земја“, напиша Зеленски.
Инаку, за време на престојот во Полска, Стилер на Инстаграм ги сподели своите впечатоци од средбите со семејствата чии животи беа уништени од војната и насилството во Украина.
View this post on Instagram
„Во Полска имав можност да запознаам некои семејства кои избегаа од војната во Украина. Тие не знаат кога ќе можат да се вратат дома и дали ќе имаат домови во кои ќе се вратат“, напиша Стилер.
