Што открива положбата во која спие вашиот куче

Сега можете да откриете како се чувствува вашето куче преку неговата положба за спиење…

Освен што можеме да ја разбереме природата на нашето куче преку неговата игра и целокупното однесување кон нас, другите кучиња или постарите луѓе, сега можеме да откриеме и како се чувствува и како ќе реагира преку начинот на кој спие.

Откријте што открива секоја положба!

1. Свиткана положба

Кучињата што спијат вака изгледаат како големо клопче: нивната њушка им допира до опашката, а шепите им се убаво подвиткани под телото. Како што може да се претпостави, со оваа положба кучето се загрева и ја чува топлината на своите екстремитети, вратот и градите. Најчесто, кучиња што спијат на овој начин се многу нежни и внимателни.

2. На стомак

Кога кучето спие на својот стомак, тоа значи дека не е целосно опуштено и повеќе дреме отколку што вистински спие. Од оваа положба полесно може да скокне за игра или да потрча кон вратата ако некој доаѓа. Овие кучиња се енергични, весели и добро расположени, а сепак и нежни.

3. На стомак со испружени нозе

Иако спиењето на стомак повеќе личи на дремење, ова е една негова варијанта. Кога кучето ги испружува сите четири нозе, изгледа како да е подготвено да полета – навистина слатка и смешна поза. Во оваа положба, лесно може да стане и да се вклучи во некаква активност или игра.

4. Спиење на страна

Ова е една од највообичаените положби во кои кучињата спијат и таа ни покажува дека кучето е целосно опуштено и дека му е исклучително удобно. Ако вашето куче спие вака, тоа значи дека има потполна доверба во вас и дека ќе биде верно и послушно.

5. Целосно испружено

Кучињата што се во затворени простории често ја одбираат токму оваа положба, бидејќи така се ладат за време на летните денови, а зиме уживаат во топлината од греењето. Кога спијат на грб и го покажуваат стомакот, тие на тој начин покажуваат дека се чувствуваат сигурно, заштитено и целосно опуштено.

6. Луди пози

Секоја позиција во која кучето изгледа урнебесно за време на спиењето може да се нарече вистинска „луда“ поза. Најкарактеристичната од нив е кога лежи на грб со „разлетани“ нозе. Кучиња што спијат вака се навистина опуштени, сакаат активност, игра и особено галење. Можете да бидете сигурни дека вашето куче се чувствува безбедно и тотално релаксирано.