Сега живее во луксузна вила со базен, но еве во какви услови порасна Зорица Брунцлик: Погледот кон родната куќа крши срца

Фолк дивата Зорица Брунцлик денес е симбол на раскош, луксуз и препознатлив гламур, но нејзиниот пат до успехот не бил ни малку лесен.

Иако денес го живее својот сон во пространа вила со базен и е секогаш во центарот на вниманието, сеќавањата на детството поминато во Смедерево откриваат сосема поинаква приказна.

Фотографијата од родната куќа на Зорица Брунцлик, прикажана во емисијата „Метар мога села“, ја отсликува скромната и распадната градба, скриена зад старо дрвено оградување – сведоштво за тешките услови во кои пејачката пораснала.

Иако родена во Белград, Зорица своето детство го минала во Смедерево, каде живеела со мајка ѝ и трите браќа. Семејството се соочувало со сиромаштија, а самата пејачка никогаш не криела дека деновите од нејзиното детство биле исполнети со оскудица.

„Живеевме во страшна беда затоа што мајка ми имаше бедна плата. Делевме едно јајце на четири дела, но не се срамам од тоа,“ признала таа своевремено.

Комшиите кои и ден денес ја паметат Зорица од тие времиња, со гордост зборуваат за неа.

„Што да кажам за кумата? Сè правеше за мајка си,“ раскажува една од мештанките, додека други додаваат дека семејството Брунцлик било вистинска сиромаштија.

Пејачката отсекогаш им помагала на своите најблиски, иако, според зборовите на комшиите, еден од нејзините браќа сè уште живее во прилично скромни услови.

Зорица често во јавноста се присетува на детството – од мајката која работела во циглана за минимална плата до таткото кој, од инает, ја оставал кај богатите роднини. Токму таа контрастна слика меѓу бедата и богатството го изградиле нејзиниот карактер, давајќи ѝ сила да стане тоа што е денес – дива на народната музика.

Иако ретко ја посетува родната куќа, комшиите велат дека би сакале повторно да ја видат. Нивните спомени, заедно со сликата на напуштената куќа, потсетуваат дека корените на Зорица Брунцлик се длабоко врзани за Смедерево и дека гламурот во кој денес ужива крие една чувствителна, но и болна животна приказна.

Дата: 30.08.2025