СЕ ЧУВСТВУВАТЕ ИСЦРПЕНО? 9 ТРИКОВИ ШТО ЌЕ ВИ ЈА ПОДИГНАТ ЕНЕРГИЈАТА ВО МОМЕНТОТ

Уморoт е тивок, но упорен противник во секојдневниот живот.

Иако знаеме дека и сонот и физичката активност се најдобриот рецепт за повеќе сила, некогаш ни треба нешто побрзо – мал трик кој веднаш ќе ни ја врати енергијата. Ако чувствувате како ви опаѓа енергијата, еве 9 научно поткрепени начини како да ја вратите без дополнителна доза кафе:

1. НАПРАВЕТЕ МИНИ-ПАУЗА ЗА „БЕЗЦЕЛНО“ ВРЕМЕ

Дозволете си неколку минути да се „исклучите“ – испијте чај, јавете се на пријател или едноставно препуштете се на мислите. Мозокот сака ресет.

2. КРАТКА ПРОШЕТКА = ДОЛГО ПОЛНЕЊЕ НА БАТЕРИИТЕ

Десет минути одење или качување по скали навистина прават разлика. Науката потврдува: поефикасно е од еспресо.

3. ИСПИЈТЕ ГОЛЕМА ЧАША ВОДА

Блага дехидрација го намалува фокусот. Вода со неколку капки лимон може веднаш да ве разбуди.

4. ПАМЕТНА УЖИНА

Јаболко со путер од кикиритки, варено јајце со интегрален леб или сирење со интегрални крекери – моментална енергија без шеќерен пад.

5. ПОВЕЌЕ ВЛАКНА ВО ИСХРАНАТА

Овошје, зеленчук, цели житарки и мешунки – овие намирници даваат стабилна енергија преку целиот ден.

6. МАГНЕЗИУМ – МИНЕРАЛОТ НА ЕНЕРГИЈАТА

Семе од тиква, бадеми, спанаќ и индиски орев – овие намирници го поддржуваат мускулите и ја намалуваат исцрпеноста.

7. 5-МИНУТНА МЕДИТАЦИЈА

Кратки вежби за дишење или медитација го намалуваат стресот, го враќаат внатрешниот мир и фокусот.

8. ПОМАЛКУ КАФЕ, ПОВЕЌЕ РАМНОТЕЖА

Прекумерната количина кофеин може да предизвика раздразливост и несоница. Задржете се на 1–2 шолји дневно и избегнувајте кафе по 16 часот.

9. ПУШТЕТЕ МУЗИКА КОЈА ВЕ ПОДИГА

Инструментални ноти, филмски аудио теми или динамичен ритам – веднаш го подобруваат расположението. Ставете омилена плејлиста на репит и работниот ден станува полесен.

Енергијата не е резервирана само за оние што спијат по 8 часа и пијат смути од кељ. Малите навики прават разлика – вклучете ги во вашата рутина и уживајте во денови полни со живост и добра енергија.