Кој ќе тепа на Ел Класико!? ↓↓↓
Мицкоски и ВМРО-ДПМНЕ двојно загубија на изборите, имаат и драстичен пад на гласовите во Тетово. Вака СДСМ ги коментира резултатите на опозициската партија на локалните избори во Маврово-Ростуше и Центар Жупа, и за советници во Тетово.
„Кандидатот на СДСМ и европската коалиција убедливо победи во Маврово Ростуше над кандидатот на ВМРО-ДПМНЕ, со разлика од 1.300 гласа. Во Центар Жупа ВМРО-ДПМНЕ доживеа дебакл, затоа што сакаше да пропаднат изборите. Сепак, победи кандидатот на владејачката коалиција со освоени над 3.000 гласови“, велат од СДСМ.
За советот на Тетово, од СДСМ коментираат дека партијата на Мицкоски има континуиран и драстичен пад на гласовите од минатите избори а бројот на советници во советот на СДСМ и на ВМРО ДПМНЕ останува непроменет.
„Во 2017 година ВМРО-ДПМНЕ освоила 5.903 гласови, во 2021 4.052 а на вчерашните вонредни локални избори едвај 3.000 гласови. Нивниот коалициски партнер Левица исто така доживеа дебакл. Граѓаните им пратија јасна порака, не сакаат деструкции, блокади, анти европски и криминални ликови во политиката“, велат од СДСМ.
