Стјепан Хаусер на Инстаграм сподели снимка на која свири во друштво на една од најпознатите и најсексапилни пијанистки, Лола Астанова.
„Има ли нешто поубаво и поромантично од оваа мелодија“, напиша Хаусер покрај видеото кое го објави, а на кое свири со узбекистанската пијанистка, инаку позната по интерпретациите на Рахманиноф, Шопен и Лист.
Но, освен со свирењето, Лола внимание привлекува и со предизвикувачкиот изглед, сексапилната заводливост и сензуалност. Во тесен фустан, на високи потпетици, таа емотивната музичка изведба со еден од членовите на тандемот 2Cellos ја сподели и со своите над 200.000 пријатели.
„Ова е прв пат да свириме заедно, но ветувам дека ќе пробам да свирам ’со малку повеќе емоции‘ следниот пат“, напиша Лола која во САД е вистинска музичка ѕвезда.
