Home Актуелно Република Северна Македонија објавено во Службен весник – на сила ќе стапи после грчката ратификација

Република Северна Македонија објавено во Службен весник – на сила ќе стапи после грчката ратификација

Во саботниот шести број на Службен весник на Република Македонија беше објавена одлуката за прогласување на амандманите 33, 34, 35 и 36 на Уставот на Република Македонија. Одлуката ја потпишал претседателот на Собранието, Талат Џафери.

Македонското Собрание на 11 јануари ги усвои уставните измени, кои произлегуваат од Договорот со Грција за решавање на спорот за името, со што македонската страна ја исполни својата обврска од договореното, а сега на потег е грчкиот Парламент да го ратификува Договорот, со што ќе се отвори патот за интегрирање на земјава во ЕУ и НАТО.

Пратениците со двотретинско мнозинство од 81 пратеник во рамки на 75. седница ги донесоа амандманите 33, 34, 35 и 36 на Уставот на Република Македонија, а потоа и ги прогласија. Усвоен и прогласен е и Уставниот закон за спроведување на амандманите.

Уставните измени со кои името на државата се менува во Република Северна Македонија ќе стапат во сила откако Договорот од Преспа и Протоколот за пристапување на земјата во НАТО ќе биде ратификувани во грчкиот Парламент.

Load More Related Articles
Load More In Актуелно
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…