Пудер кој е всушност балзам – откриваме сè за новата убавинска опсесија

Ако мислевте дека веќе сте ги виделе сите можни варијанти на пудер, светот на убавината сепак има поинаква идеја. Пудерот повеќе не мора да биде ниту класична течна формула, ниту компактен производ кој останува ист од моментот на нанесување до отстранување на шминката. Сега доаѓа во форма на балзам, а на кожата се однесува речиси како вода. Во фокусот се балзам пудерите, односно формули кои на прв поглед имаат цврста, кремаста текстура, но при контакт со кожата се топат и претвораат во тенок, лесен слој. Еден дел од оваа категорија се и water-infused foundation balms, формули кои комбинираат цврста форма со висок удел на водени и хидратантни компоненти. Резултатот е она што веќе некое време го бараме: пудер кој не изгледа како пудер.

Што се балзам пудери?

За разлика од традиционалните течни пудери, балзам пудерите започнуваат како цврста или полуцврста емулзија. Нивната текстура може да потсетува на балзам за лице, но со загревање и размачкување се менува. Тука доаѓа до израз самата идеја на solid-emulsion технологијата. Наместо класична течна емулзија која се наоѓа во шишенце, формулата е стабилизирана во цврста форма. Кога доаѓа во контакт со кожата и топлината на прстите, четката или сунѓерот, структурата се менува и производот почнува да лизга по лицето. Поради тоа првиот впечаток може да биде варлив. Во амбалажата изгледа богато и компактно, додека на кожата е многу потенок и флуиден.

Water-infused foundation balm

Water-infused моментот е можеби најинтересниот дел од овој тренд. Идејата е да добиеме производ кој изгледа како балзам, но при нанесување дава чувство како формулата речиси да се раствора на кожата. Таквите текстури особено одговараат на она што секој од нас денес го сака од шминката: природна кожа, потранспарентни слоеви и second skin ефект. Наместо лицето да добие сосема нов слој боја, целта е тенот визуелно да се изедначи, додека текстурата на кожата останува видлива. Тоа е голем заокрет во однос на ерата на тешки пудери со целосно покривање. Новата генерација производи сака кожата и понатаму да изгледа како кожа.

Зошто се балзам пудери толку интересни?

Една од причините е самата текстура. Цврстата форма е практична за нанесување, особено кога сакаме пудерот да го носиме во чантата, додека по апликација се претвора во лесен слој.

Втората причина е начинот на кој се вклопува во современиот skinimalism. Наместо неколку производи за хидратација, корекција и тен, новите makeup производи се обидуваат да спојат повеќе функции. Затоа формулите често содржат хидратантни состојки како хијалуронска киселина, глицерин или други компоненти кои помагаат завршницата да изгледа свежо и мазно.

Третата причина е финишот. Балзам пудерите главно целат на поприроден изглед, без ефект на маска. Не мораат нужно да бидат сосема транспарентни, но нивната најголема предност е токму во тоа што можат да се надградуваат без чувство на тежина.

Како се нанесуваат балзам пудерите?

Најдобро е да започнете со мала количина. Со прстите можете да го земете производот директно од пакувањето, да го загреете на кожата и потоа да го тапкате на лицето. За порамномерен финиш можете да користите и густа синтетичка четка или влажен сунѓер. Кај ваквите формули помалку често значи повеќе. Ако сакате природен ефект, нанесете тенок слој преку целото лице, а потоа додадете уште малку производ само на деловите на кои им е потребно дополнително покривање.

Важно е и што се наоѓа под него. Ако кожата е добро хидрирана, балзамската текстура полесно ќе се стопи со тенот. Од друга страна, премногу слоеви може да доведат до лизгање или собирање на формулата, особено кај похидратантните производи.

Дали се балзам пудерите исто што и skin tint?

Не сосема. Границата помеѓу категориите е се помалку јасна, но skin tint обично е многу лесен производ за изедначување на тенот, додека балзам пудерот може да понуди нешто поголема можност за надградба. Практичното правило е едноставно: ако сакате да се види речиси целата природна текстура на кожата, skin tint е веројатно поблиску до она што го барате. Ако сакате лесен, но сепак позабележлив ефект на изедначување на тенот, балзам пудерот може да биде поинтересна опција.

Токму таа флексибилност ја прави оваа категорија толку привлечна. Не мораме да избираме помеѓу варијанти имам и немам пудер, туку овозможува сами да одредиме колку ќе го има на кожата.

Извор: Lepota i Zdravlje