Првите костими за капење пристигнаа во Зара: овие се нашите фаворити за beach glam изглед

За сите вистински љубители на летото, моментот кога ќе се појават првите парчиња од летните колекции буди добро познато чувство на возбуда и желба за сонце, песок и слобода.

Зара, едно од омилените места за сите што сакаат модерна и пристапна мода, токму што ја претстави првата линија костими за капење за лето 2025 – и изгледаат апсолутно неодоливо.

Новата колекција носи сè што обожаваме кај летните денови: женствени кроеви, смели дизајни и елеганција која совршено се вклопува во секоја морска разгледница. Во понудата има привлечни бикини, софистицирани едноделни костими за капење, луксузни додатоци како пареа, рафија ташни и меки пешкири за уживање на јахта или во сенка од борови. Сето тоа во палета на бои инспирирана од природата – од златна песочна до тиркизно сина како морето.

Како да го изберете совршениот костим за капење?

Како и кај секое модно парче, клучот е во правилниот избор на крој според вашата силуета. Ако сте горда сопственичка на изразени облини, побарајте модели што ја следат линијата на телото и даваат суптилна поддршка – особено ако имате поголем бистен дел. Зара нуди модели со засилувања и пошироки прерамки кои гарантираат и стил и удобност.

За оние кои преферираат бикини, може да се случи да им треба различна големина за горниот и долниот дел – добрата вест е дека во Зара и двата дела може да се купат одделно, што ви овозможува да си направите свој сет по вкус. Класични триаголни горни делови, високи долни делови и елегантни бандо модели – сè е тука, подготвено да се вклопи во вашиот летен плакар.

Паметен трик пред одмор?

Обавезно пробајте го костимот дома пред да заминете на плажа – прошетајте низ станот, седнете, кренете раце, проверете дали ви одговара еластичноста и дали прерамките држат сè на место. Така ќе избегнете непријатни изненадувања и ќе бидете целосно сигурни во вашиот избор.

Погледнете ја галеријата за да ги откриете нашите фаворити.