ПРИРОДЕН ТОНИК ЗА КОСА СО РУЗМАРИН И ЦИМЕТ – ЗА СИЛНА, СЈАЈНА И МИРИСНА КОСА!
Ако ви е доста од скапи козметички производи полни со хемикалии и барате природна рутина за убавина со мирис на билки и чистота – имаме вистинско решение за вас.
Запознајте се со едноставен, но моќен „направи сам“ ритуал кој лесно можете да го подготвите дома – билен тоник за коса со рузмарин и цимет. Овој магичен еликсир од вашата кујна не само што ја зајакнува косата, туку ја исполнува куќата со божествени, топли мириси кои ќе ги обожавате.
РУЗМАРИН – МИРИСНАТА ТАЈНА ЗА ГУСТА И ЗДРАВА КОСА
Покрај тоа што има совршен вкус во печени компири, рузмаринот е богат со активни состојки како цинеол и камфор – кои буквално го буде вашето темето од „зимски сон“! Овие природни супстанции ја стимулираат циркулацијата, ги зајакнуваат фоликулите и го забавуваат опаѓањето на косата. Со редовна употреба косата станува погуста, посјајна и повитална – како токму излезена од фризерски салон!
КАКО ДА СИ ГО НАПРАВИТЕ ВОЛШЕБНИОТ ТОНИК ДОМА?
Супер лесно – а сè што ви треба веројатно веќе го имате во кујната!
Состојки:
– 3 свежи гранчиња рузмарин
– 1 литар вода
– 1 стапче цимет
Подготовка:
1. Отстранете ги листовите од гранчињата рузмарин.
2. Во тенџере, зовријте ја водата, потоа намалете ја температурата и додајте го рузмаринот.
3. Нека врие на тивко околу 15 минути – водата ќе добие темна боја и топол, релаксирачки мирис како од СПА центар!
4. Процедете ја течноста и ставете ја во шише со распрскувач.
5. Додајте едно стапче цимет за дополнителен мирис и ефект на освежување.
КАКО ДА СЕ КОРИСТИ?
По миење на косата, испрскајте од тоникот директно на темето. Со прстите направете кратка масажа – не мора како во салон, но одвојте барем една минута. Така ќе помогнете активните состојки подобро да навлезат и да направат вистинска магија.
Не се плакне! Остава нежен, освежителен мирис и не ја мрси косата – совршено за секојдневна употреба.
ЗОШТО ЌЕ ГО ЗАВОЛИТЕ ОВОЈ РИТУАЛ?
Затоа што е:
– Природен, едноставен и поволен!
– Ја буди циркулацијата и ја зајакнува косата од коренот
– Ја штити косата од топлина и загадување
– Ѝ дава на косата холивудски сјај
– Мириса божествено, топло и билно – како прошетка низ медитеранска градина
Вклучете го овој мал, мирисен ритуал во вашата неделна рутина и гледајте како вашата коса се менува – станува посјајна, посилна, поотпорна и помека, а вашата самодоверба расте заедно со неа!
