Оваа празнична сезона, Маркс и Спенсер нуди вистински моден празник – ексклузивна капсул колекција што маестрално ги спојува гламурот, романтиката и модерната софистицираност.
Идеална за жени кои сакаат да блеснат и да привлечат погледи за време на празничните денови, колекцијата става акцент на луксузни материјали, суптилни детали со сјај и елегантни, блескави силуети кои се вистински хит за стилот во 2025 година.
Меѓу ѕвездите на оваа празнична линија се издвојува Sheer Mix Lace Midi фустанот – црн фустан што комбинира транспарентна сукња и деликатна чипка. Минималистички и ултрамодерен, овој фустан не е само обична мала црна, туку софистицирана вечерна верзија која зрачи со женственост и елеганција.
За оние што обожуваат сјај и весела енергија, Lurex мини фустаните во златна и бордо нијанса се вистински „must-have“ парчиња. Лесниот материјал со металик ефект совршено ја фаќа светлината, создавајќи вистински вау ефект, додека краткиот крој внесува младешка и разиграна нота – совршено за забави и гламурозни вечерни комбинации.
Колекцијата не ја заборава ниту важноста на statement парчињата – црната мини сукња со кристали внесува моментално сјајно освежување во секој аутфит. Дискретни, но впечатливи детали овозможуваат лесно комбинирање со минималистички блузи, но и со похрабри модни избори.
Кога станува збор за горни парчиња, тука е црната органза блуза со транспарентни панели и декоративни копчиња, која нуди лесна и нежна силуета – идеална за вечерни излегувања. Одлично се комбинира и со мини сукни и со елегантни панталони, додавајќи софистициран гламур на секоја комбинација.
Новата празнична колекција на Маркс и Спенсер е достапна во продавниците и онлајн, нудејќи модни избори што ги спојуваат сјајот, удобноста и безвременската елеганција – сè што ви е потребно за да бидете во центарот на вниманието оваа магична сезона.
Учество во игри на среќа е дозволено за лица со 18+ години. Играј одговорно!