Поранешната на Диди, Дејна Тран, за воспитувањето на ќерката Лав (4): „Посилна сум отколку што мислев“

„Мајчинството ме научи дека сум многу посилна отколку што мислам, но и многу понежна на начини што никогаш не сум ги очекувала од себе… и сфатив дека сила има и во нежноста“, изјави таа. „Почнуваш поинаку да им пристапуваш на работите, на конфликтите, па дури и на контроверзиите, дури и во самата себе. Мислам дека најважното што го научив е дека имам многу повеќе сила отколку што некогаш сум замислувала, а тоа да бидеш нежна никогаш не било слабост. Напротив, тоа стана една од моите сили.“

Диди, кој во моментов треба да биде ослободен од затвор во март 2028 година, и додека е зад решетки одржува однос со Лав.

„Таа точно знае кој ѝ е татко. Ги препознава и неговите песни. Се разбира, не знае ништо за тоа што се случува“, рече Тран. „Не можеш да добиваш повици секој ден. Тоа едноставно не е можно. Нема таков пристап. Затоа го прифаќаме она што можеме да го добиеме, а тој се труди.“

На прашањето дали и понатаму го вклучува Диди во носењето одлуки околу воспитувањето на нивната ќерка, Тран одговори: „Пред да биде затворен, многу разговаравме за такви работи, затоа што јас имам цврсти ставови за многу работи, а и тој има цврсти ставови. Не гледам на работите еднострано. Секако, ги земам предвид неговите мислења, а тој не е ни родител за првпат, па имало ситуации кога сум се потпирала на него, бидејќи има многу деца.“

Таа откри и дека меѓу нив владее „одличен, пријателски однос“ и дека нивниот „главен фокус секогаш е Лав“.

Тран е свесна дека како што Лав ќе расте, можеби ќе чита наслови или ќе слуша работи за своето семејство, но вели дека засега живеат ден за ден.

„Денес немам одговор на тоа прашање, но тоа е нешто од што таа — а ни никој од нас — не може да побегне или да се сокрие, и нема од што да се срами. Тоа нема никаква врска со неа, па само се надевам дека ќе успеам да ја израснам во силна, независна личност која многу добро ќе знае која е“, истакна таа.

Тран рече дека се надева оти, кога Диди ќе излезе на слобода, тој и Лав ќе можат да изградат нормален однос меѓу татко и ќерка.

„Мислам дека секоја разумна мајка би сакала таткото да биде присутен во животот на своите деца, а јас не седам и не правам некакви големи планови. Навистина не. Престанав да размислувам предалеку однапред, затоа што можам да го контролирам само денешниот ден. Но се надевам дека кога ќе биде слободен, ќе може да изгради однос и да добие шанса. Сметам дека секое дете заслужува да го запознае својот татко“, рече таа.

Како самохрана мајка, Тран во голема мера се потпира на своите родители и на најблиските луѓе околу себе.

Извор: US Weekly