Понеделничка временска прогноза

Денеска, понеделник, 11. април, времето во Македонија ќе биде сончево со мала до умерена локална облачност. Ќе дува умерен, а долж Повардарието и во источните делови засилен ветер од северен правец.

Максималните температури ќе бидат во интервал од 9 до 16 Целзиусови степени.
Во Скопје ќе биде сончево со мала до умерена облачност и со умерен, повремено засилен ветер од северен правец. Максималната температура ќе достигне до 14 степени.

Во текот на работната седмица времето ќе биде стабилно со ниски утрински температури, кои ќе се спуштаат и под нулата, а најстудено ќе биде утре наутро, додека дневните температури ќе бидат во пораст.