ПИЛЕ, ИНСТАГРАМ И ДРАМА: НЕОБИЧНА ПРИЧИНА ЗА СЕМЕЈНАТА ВОЈНА КАЈ БЕКАМОВИ

Семејната драма во домот на Бекамови добива нов, речиси филмски заплет — и тоа благодарение на еден наизглед безгрижен видеозапис за печење пиле. Да, добро прочитавте. Токму едно кулинарско видео беше капката што ја прели чашата во односите помеѓу Бруклин Бекам и неговото најблиско семејство.

Според пишувањата на британските и американските медиуми, Бруклин Бекам решил да ја блокира својата мајка Викторија Бекам, но и останатите членови на семејството, на Инстаграм. Поводот? Еден „лајк“. Имено, Викторија Бекам реагирала на објава на својот син во која, со својот препознатлив ентузијазам, објаснувал како маринирањето пиле во пиво дава побогат и посочен вкус. Видеото, како и поголемиот дел од неговата содржина изминативе години, било посветено на готвење – страст кон која Бруклин сè повеќе се посветува.

Но, реакцијата на Викторија предизвикала лавина коментари од следбениците, кои јавно го повикувале Бруклин на помирување со семејството. Токму тој јавен притисок, според извори блиски до семејството, предизвикал бурна реакција кај него. Наместо да ја смири ситуацијата, Бруклин повлекол радикален потег и дигитално ги прекинал контактите не само со мајка си, туку и со останатите членови на семејството Бекам.

Изворите велат дека Дејвид и Викторија Бекам се длабоко погодени од развојот на настаните. Особено болен момент е фактот што сè се случува во пресрет на празниците — период кој традиционално бил резервиран за семејна топлина, заедништво и блискост. Наместо тоа, празничната атмосфера е заменета со тишина и емотивна дистанца.

Додека родителите, наводно, очајно се надеваат на смирување на тензиите, ситуацијата, како што велат изворите, станува сè посложена од недела во недела. Од друга страна, браќата на Бруклин, Круз и Ромео Бекам, не го кријат своето незадоволство што семејниот конфликт се одвива пред очите на јавноста, претворајќи приватна криза во глобален спектакл.

Сепак, фокусот на Бруклин е јасен – неговиот свет во моментот се врти околу сопругата Николa Пелц и заедничкиот живот што го изградиле. Семејните односи со Бекамови, барем засега, се оставени во втор план, додека можноста за помирување изгледа далечна и неизвесна.

Едно е сигурно: во семејство кое децении важеше за симбол на гламур, единство и совршен баланс помеѓу славата и приватноста — пукнатините денес се поочигледни од кога било. А иронијата на целата приказна? Сè започна со еден лајк и рецепт за совршено печено пиле.