Пет трикови за нега на руса коса

Пет трикови за нега на плава коса

Плавата коса изгледа прекрасно, но нејзината нега е меѓу најпредизвикувачките… Бојата што се користи за постигнување на плава нијанса е многу силна, а со тоа и повеќе ја оштетува косата. Сепак, со соодветна нега, таа може да изгледа здраво, сјајно и убаво.

Многу жени со плава коса се соочуваат со проблеми како сува и оштетена текстура, но со следниве пет совети, вашата коса ќе се обнови и ќе добие здрав и негуван изглед.

1. Соодветен шампон

Косата треба да се мие со шампон кој е специјално наменет за плава боја на коса. Ваквите шампони ја освежуваат бојата при секое миење и ѝ даваат дополнителен сјај и мекост.

2. Маска за коса

Користете маска за коса најмалку двапати неделно. Без разлика дали ќе направите домашна или ќе купите готова, резултатот ќе биде видлив веќе по една недела – косата ќе стане помалку сува и многу поздраво ќе изгледа.

3. Боење

Не претерувајте со често боење. Како што веќе спомнавме, плавата боја е најагресивна и најмногу ја суши косата. Ја бојадисувате израснатата коса еднаш месечно, а целата должина бојадисувајте ја на четири месеци.

4. Регенератор без плакнење

Ако се соочувате со испукани врвови и коса која се заплеткува и тешко се расчешлува, дневно користете спреј-регенератор кој не се плакне, или нанесувајте неколку капки масло на врвовите.

5. Сјај

Природниот сјај на плавата коса често е тешко забележлив. Затоа постојат посебни спрееви за сјај на коса. Со само неколку прскања по миење, вашата коса ќе добие живост и блескав изглед.