Парис Хилтон е главна ѕвезда во епската кампања на Карл Лагерфелд за есен/зима 2025 – и изгледа навистина иконично!

Парис Хилтон ја презема улогата на ултимативна амбасадорка на духот на Карл Лагерфелд во новата, гламурозна кампања за есен/зима 2025 под името From Paris With Love.

Оваа визуелно совршена модна приказна нуди спој на безвременска елеганција и модерен, урбан шарм — истовремено оддавајќи почит и на наследството на модната куќа и на културолошкото влијание на самата Хилтон.

Од почетокот на 2000-тите, Парис го поставуваше модниот ритам на светот – од нејзината блескава фустанка за 21 роденден до култните Juicy Couture тренерки, нејзината смелост и стил никогаш не биле само обичен тренд, туку вистински моден репер. Денес, таа е многу повеќе од позната личност: успешна претприемачка, мајка и активистка.

Кампањата ја слави нејзината трансформација и ја претставува од еден нов, свеж и автентичен агол.

Колекцијата From Paris With Love претставува омаж на духот на бунтовната елеганција што го карактеризираше Карл Лагерфелд, спојувајќи ја неговата остроумна иронија со современа автентичност на дизајнот. Како што вели извршниот директор Пјер Паоло Риги: „Таа и Карл го обликуваа времето на свој, уникатен начин.“ А Парис додава: „Од секогаш го обожував неговиот револуционерен дух. Дел од светот на Карл да бидам, особено во кампања што ја слави индивидуалноста и играта, ми доаѓа сосема природно и искрено.“

Фотографот Крис Колс, кој по трет пат соработува со модната куќа, ја прикажа Хилтон во елегантни црно-бели кадри, исполнети со стилска енергија. Во некои сцени, Парис носи легендарна “униформа” на Карл Лагерфелд – мазно зачеткана коса, темни очила за сонце и минималистичка, монохроматска палета – оддавајќи почит на класичното негово наследство, но притоа внесувајќи свежа и модерна интерпретација на иконскиот стил.

Од елегантни костими со прецизно кроење, до опуштени парчиња инспирирани од уличната мода – колекцијата ги опфаќа сите аспекти на Karl Lagerfeld Paris и Karl Lagerfeld Jeans, надополнета со нови модни додатоци. Создаден е комплетен визуелен идентитет за сезоната, каде класичната софистицираност совршено коегзистира со современа младешка перспектива.

И тоа не е сè – кампањата ќе оживее и на модната писта за време на Парискиот моден викенд на 1 октомври 2025 година, носејќи ја атмосферата и духот што Парис Хилтон ги отелотворува со леснотија, харизма и неодолив стил.