Односот помеѓу Мирка Васиљевиќ и Вујадин Савиќ со години наназад го привлекува вниманието на јавноста. Нивната љубовна приказна, започната уште од младоста, поминала низ бројни подеми и падови и често била во центарот на медиумски нагаѓања.
Особена бура предизвикаа пишувањата за наводните неверства на Вујадин, особено откако се појавија фотографии на кои е снимен во блиско друштво со друга жена.
Иако тогаш Мирка ги изненади сите со својот смирен и духовит коментар, неодамна призна дека некои наслови и коментари сепак ја погодиле.
Изјава на Мирка:
„Да бидам искрена, не ме погодуваат, но нормално дека не ми е пријатно. Никој не сака да биде ставен во негативен контекст. Така што, не ми е пријатно, си велам – можеше и без ова, но не ми го уништува денот, ниту пак ми ја нарушува енергијата. Затоа што, ако сте со вистината и стоите цврсто со двете нозе на земја, тоа нема да ве поколеба и вознемири.“
Мирка сега е целосно посветена на воспитувањето на нивните четири деца:
„Во моментот најмногу ментална е таа грижа околу тинејџерите – договори, одговорности, несташлуци… А најмалата сè уште ужива во безгрижното детство. За сега сме навистина задоволни со четворицата, голема организација, грижа и посветеност бараат. Но и двајцата имаме по 35 години, не сакам да кажам ‘ова никогаш нема да го направам’, па после да ми речат: ‘Рече дека нема, а што е сега ова?’ Задоволни сме со четири деца и за сега е така како што е.“
Дури и непримерниот коментар на Вујадин на социјалните мрежи, кој јавно го сподели, не ѝ пречеше на Мирка.
Имено, по повод роденденот на својот брат Урош, Вујадин на Инстаграм објави нивна заедничка фотографија и напиша:
„И тогаш сфатив дека во животот ми е важно само брат ми и Црвена ѕвезда… среќен роденден бато!“
Урош Савиќ, братот на Вујадин Савиќ, се занимава со приватен бизнис и беше во брак со Тијана Савиќ 12 години, со која ја има ќерката Лена.
Учество во игри на среќа е дозволено за лица со 18+ години. Играј одговорно!