Ова е стилска фризура која се враќа од 90-тите

Фризурата што го одбележа гламурот на деведесеттите се враќа на голема врата, но во многу помодерна, опуштена и поднослива верзија.

Френч рол, софистицирана пунџа со завиени прамени кренати долу по главата, повторно завладеа на модните писти, црвените теписи и социјалните мрежи, потврдувајќи дека класичноста никогаш не излегува од мода – само добива ново лице.

Современата “френч рол” е далеку помалку “зачинета” отколку некогаш. Додека во деведесеттите доминираа совршено измазнетите верзии, денешните интерпретации имаат доза на ноншалантност – малку разбурени волумени, разиграни шишки или нежни прамени што го урамуваат лицето. Резултатот е фризура што изгледа елегантно, но без напор, како да е создадена спонтано.

Должината на косата игра важна улога. На долгата коса е полесно да се постигне полен волумен и правилно завивање, додека кај кратките должини може да се користат специјални сунѓерасти валјаци што помагаат да се добие карактеристичната форма. Клучот на успехот, пак, се крие во подготовката – спреј за текстура или лесна пена за волумен даваат потребната цврстина и го продолжуваат траењето на фризурата.

Процедурата е едноставна: косата се завива внатре и се прицврстува со големи шноли што обезбедуваат стабилност, но и природно паѓање. Наспроти малите шнолички, шнолите го држат обликот со часови, а при тоа фризурата останува мека и подвижна.

Најважното правило на новата генерација на френч рол? Совршенството не е целта. Мала доза на несовршеност дури е пожелна бидејќи дава модерна, романтична нота. Завршниот слој на лак обезбедува постојаност, додека неколку лесно завиени прамени може да додадат динамичност и женствена мекост.

Елегантна, практична и бескрајно шик – ова е фризурата на која повторно се враќаме, независно од сезоната или приликата.