Омилената актерка од „Игра на судбината“ прозборе за емотивниот статус: Сега ми годи вака

Матеа Милошављевиќ за првпат во септември влезе без распоред за снимање на серијата „Игра на судбината“. Во разговор за магазинот откри колку ѝ годи што си дала малку оддишка, дали е емотивно исполнета и како се чувствува во моментов.

Актерката, која во октомври ќе го прослави својот 36-ти роденден, признава дека во последно време многу се променила:

„И на мене ми е неверојатно“ (се смее). „Првата промена е стремежот кон мир. Би било глупаво да не созреам. Сега поинаку гледам на сѐ што ме привлекувало порано. Уште сакам да излегувам со пријатели и мислам дека така ќе биде засекогаш, но не толку често како порано. Се повеќе сакаме дома, со книга во рака или да гледам добар филм. Убаво ми е кога сум со мојата Дара, најслаткото кученце.“

Зборувајќи за професионалните планови, Матеа рече дека сега, кога веќе не е дел од екипата на „Игра на судбината“, работи на нов проект:

„Пет години интензивна работа не се малку. Добро ми дојде оваа пауза, цел месец не работев ништо, ама јас сум работохоличарка. Работам од шеснаесеттата година. Кога после период полн со обврски ќе дојде одмор, знам дека е заслужен, па уште повеќе ми се радува срцето. Преголема слобода не му годи на мозокот.“

Новата серија во која глуми сѐ уште е во тајност. Матеа откри само:

„Ќе биде нешто многу интересно. Почнавме да снимаме во април, потоа имаше пауза поради ангажираноста на некои актери, а продолжуваме во октомври. Смеам само да кажам дека ваква улога не сум имала можност досега да играм, и токму затоа ова искуство за мене е сосема ново.“

На прашањето дали моментално е заљубена и што се случува на емотивен план после раскинувањето со колегата Милош Петровиќ Тројпец, актерката одговори:

„Точно е дека не мора сѐ да се знае, ама сега немам што да споделам. Моменталната ситуација ми годи.“