Домот на Оливера Балашевиќ значително се промени по смртта на Ѓоле
Домот на Оливера Балашевиќ, вдовицата на кантавторот Ѓорѓе Балашевиќ, претставува пространо катче за петчленото семејство. Музичарот и неговата сопруга тука ги одгледаа ќерките Јована и Јелена и синот Алекса, а во последните години, главни ѕвезди во нивниот дом се внуките.
Вилата, која ја краси голема градина во задниот дел, се состои од кујна уредена во старински стил, остава со богати зимници, трпезарија со голема маса за 12 лица, дневна соба чиј ѕидови се преполни со спомени, како и спални соби, секоја уредена со многу внимание.
Најомиленото место за сите членови на домаќинството, особено кога времето е сончево, е дворот. Според фотографиите и снимките, може да се заклучи дека домот на Оливера Балашевиќ има најмалку 15 ари двор, што за тој дел од Нови Сад претставува вистинско богатство.
Иако е прекрасно да се поседува ваков простор, исто така е и голема обврска да се одржува, поради што оваа година писателката ангажираше помош. Стручњаците се погрижија за тревникот и дрвјата, додека таа го исчисти поплочениот дел, засади цвеќе и го украси просторот со метален мебел.
Оливера Балашевиќ низ шега истакна дека во Цвијиќева сè е по старо, но сите се согласуваат дека многу нешта се изменети по смртта на нејзиниот сопруг, како и дека неговата енергија недостасува.
