Ниту еден човек не е навистина подготвен да стане родител – и тоа е сосема во ред!

Што значи тоа “да си подготвен за дете”?

Иако многумина ќе кажат дека се подготвени да имаат деца, реалноста е дека никој навистина не е. Едноставно, не постои начин целосно да се подготвиш за тоа да станеш родител. Никој точно не знае во што се впушта кога се работи за одгледување дете, па затоа и не постои вистинска “подготовка” за тоа.

Можеби си мислела дека да се биде мајка е лесно – си чувала деца на сестра ти, си ги забавувала, си уживала во нивните насмевки. Но мајчинството не е тоа. Тоа носи со себе одговорности и обврски што не можеш ни да ги замислиш. Ова не е како да се спремаш за возачки испит или факултетски колоквиум, каде учиш нешто, па потоа покажуваш што знаеш. Не, ова е нешто сосема поинакво.

Никој не е навистина подготвен

Дури и да имаш години искуство како дадилка или да си изначитала тони книги за бременост, мајчинство и воспитување – сето тоа нема да те подготви. Дури и во моментот кога ќе помислиш дека си сигурна, кога ќе веруваш дека знаеш што те чека – пак нема да си доволно „квалификувана“.

Зошто? Многу едноставно – затоа што никогаш порано не си го направила тоа. Не постои вистинска обука за мајчинство. Дури и да одиш на часови за родители, дури и да поминеш времиња со други мајки, тоа не може да те спреми за будењето по пет пати во ноќта, за доењето додека си полузаспана, за менувањето пелени кога телото ти вреска за сон. Ете, затоа никој не е навистина подготвен.

Маќчниството е барачко

Да се биде мајка е најубавото нешто на светот, но сепак, реалноста е поинаква од она што го замислуваме. Можеби обожаваш да бидеш опколена со деца, и си мислиш дека тоа е доволно за да бидеш одлична мајка. Можеби те радува тоа што ги храниш и помагаш со облекување, па ти враќаат со најчудесни прегратки. Но дали размислуваш колку ќе те исцрпува тоа кога бебето навистина ќе дојде?

Тука е и чувството на осаменост – сопругот ќе биде на работа, пријателките на кафе или во излегување, а ти – сама со бебето што со часови не може да заспие. И покрај тоа што тоа битие што ќе го донесеш на свет е нешто најдрагоцено, сепак целото искуство носи со себе огромен напор – физички, психички и емоционален.

Ако чекаш да бидеш подготвена – никогаш нема да бидеш

Вистината е една – ако чекаш да бидеш целосно, апсолутно подготвена за мајчинство, ќе чекаш вечно. Без разлика дали ќе забремениш на 20 или на 45 години, разликата во подготвеноста е речиси никаков. Секоја бременост е различна, и секое дете е посебна приказна.

Но тоа не значи дека нема да учиш додека се одвива ова магично патување, или дека нема да станеш најдобрата мајка што можеш да бидеш. Напротив, мајчинството ќе те пресоздаде, ќе те научи работи што никогаш не си мислела дека ќе ги знаеш – и дека ќе ги можеш. Тоа не бара совршеност, туку желба, љубов и трпение. И тоа е сосема доволно.