Со хитовите „Perro Fiel“ и „Me Enamorе“, колумбиската пејачка Шакира го стекна престижното прво место на листата на пејачки со најмногу прегледи на YouTube платформата во изминатата 2017 година.
„Колку е убаво да се започне новата година знаејќи дека ми давате толкава поддршка. Ве сакам многу“, го сподели задоволството и радоста со своите фанови на Инстаграм.
Минатата година беше многу успешна, но и многу стресна за Шакира. Покрај здравствените проблеми кои ги имаше, кои замалку ќе ја натераа да ја откаже светската турнеја, таа мораше да се справува и со притисокот од шпанската јавност која го обвинуваше нејзиниот маж за предавство.
Имено, Џерард Пике е страсен борец за независност на Каталонија и тој неколкупати го кажа тоа во јавност токму додека траеја притисоците на каталонскиот народ врз владата. Шакира беше на мета на шпанските националисти кои сакаа да допрат до Пике преку неа.
Учество во игри на среќа е дозволено за лица со 18+ години. Играј одговорно!