Нетфликс го претстави трејлерот за новата романтична комедија со Џенифер Лопез – Романса во канцеларија која ќе го освои летово

Романтичните комедии дефинитивно се враќаат на голема врата, а најновиот доказ за тоа пристигнува директно од платформата Нетфликс.

Објавен е првиот трејлер за филмот Office Romance („Службена романса“), нова забавна и динамична романтична комедија во која главната улога ја игра Џенифер Лопез.

Филмот пристигнува на платформата на 5 јуни, а веќе по првите кадри јасно е дека публиката ја очекува мешавина на хемија, хаотични деловни ситуации и онаа добро позната романтична напнатост поради која ваквите филмови повторно станаа интернет-опсесија.

Приказната го следи двајца амбициозни работохолици кои се обидуваат да балансираат кариера, деловни правила и емоции кои стануваат се покомплицирани. Тајната на „Office Romance“ многу брзо прераснува во низа непредвидливи ситуации, а атмосферата на филмот комбинира софистициран хумор, гламурозна естетика и модерна љубовна приказна со урбан ритам.

Покрај Џенифер Лопез, во филмот игра и Брет Голдстин, ѕвездата на хит серијата Тед Ласо, додека останатата актерска екипа ја сочинуваат Бети Гилпин, Ејми Седарас, Тони Хејл, Бредли Витфорд и Едвард Џејмс Олмос.

Сценариото го потпишуваат Брет Голдстин и Џо Кели, додека режијата ја потпишува Ол Паркер, познат по филмот Ticket to Paradise. Џенифер Лопез овој пат се најде и во улога на продуцентка, што дополнително потврдува колку сериозно вложува во својот голем повраток на романтичните комедии – жанр кој веќе години и одговара совршено.