Netflix подготвува вистински земјотрес во светот на музиката: 50 Сент не води низ приказната за Диди, откривајќи сè — од гламурот до мрачните тајни што долго време биле скриени.
Од обвиненија за криминал до хип-хоп империјата што ја смени културата, серијата Шон Комбс: Пресметката ветува дека ништо нема да остане неизречено. Ако мислевте дека ја знаете приказната за Диди, време е да се подготвите за шок — вистината е далеку од тоа што сте го очекувале.
Кога помисливме дека драмата во хип-хоп светот го достигнала врвот, Netflix неочекувано го објави датумот на премиерата на документарна серија која без задршка ќе ја открие најголемата скандалозна приказна што ја потресе музичката индустрија во последниве две децении. Шон Комбс: Пресметката пристигнува порано отколку што било кој очекуваше и ветува дека ќе го прикаже метеорскиот подем и жестокиот пад на Диди, против кого во септември 2024 година беа поднесени сериозни обвиненија, вклучувајќи трговија со луѓе за сексуална експлоатација и организиран криминал.
Серијата вклучува четири епизоди што ја анализираат кариерата на еден од највлијателните луѓе од хип-хоп ерата, додека паралелно го промислува моментот кога светот се сврте против него. Со извршна продукција на 50 Сент — човек кој никогаш не водел дипломатски односи со Диди — и режија на добитничката на Еми, Алекс Стејплтон, Пресметката гради портрет што е истовремено и за Диди и за експлозијата на хип-хопот во деведесеттите. Музиката што ја смени американската култура, истовремено ја смени и неговата судбина.
„Диди. Паф Деди. Лав. Сите го знаеме името — но кој всушност е Шон Комбс?“
Тоа е централното прашање на овој документарец. Зашто, иако преку Bad Boy Entertainment лансираше имиња кои станаа легенди — The Notorious B.I.G., Мери Џ. Блајџ, Џодеси, Дејнити Кејн — од сенките, според сведоштва на блиски соработници, излегоа многу потемни приказни. Ексклузивни интервјуа, досега необјавени снимки, луѓе од неговиот најтесен круг… серијата нè внесува во свет каде сјајот бил само површина, а пукнатините во системот станувале сè поочигледни.
А тука е и дополнителната тензија: долгогодишната нетрпеливост помеѓу 50 Сент и Диди. Ривалство што трае со години, засилено во последниве сезони кога обвиненијата против Диди ескалираа, а 50 Сент со иронија и оган објавуваше на социјалните мрежи.
Со други зборови — не очекувајте омекната приказна. Не очекувајте дипломатска нарација. Очекувајте серија без филтри.
Ова не е само документарец. Ова е отворање на кутија од која, многу веројатно, ќе излезе многу повеќе отколку што сме подготвени да слушнеме.
Учество во игри на среќа е дозволено за лица со 18+ години. Играј одговорно!