Не готвам, ама другите мајки ги носат ли децата на Миконос? Една изјава на Снежана Дачиќ предизвика полемика

Ќерката на Снежана Дачиќ, родена во бракот со бизнисменот Владимир Микиќ, е нејзино најголемо богатство и гордост.

Снежана Дачиќ е една од ретките дами од јавната сцена која отворено зборува, без влакна на јазикот, за проблемите што ги доживува, како лични, така и општествени што ги разоруваат односите. Таа без задршка говори за грешките на мажите и жените, љубовните разочарувања, преиспитувањата и пропуштените можности. Според неа, животот секогаш е пред нас, без оглед на годините, и заради психолошка стабилност и стекнување на самодоверба неопходно е постојано да се работи на себе.

Со својата ќерка Лаура Микиќ секогаш се труди да минуваат квалитетно време и да учат нови работи заедно. Сепак, постои една работа што не ја прави дури ни поради неа.

„Еднаш ме праша: Зошто другите мајки готват, а ти не? Ја прашав дали другите мајки ги носат децата на Миконос или во беκстејџ на модни ревии? Се извинувам, знам дека звучи претенциозно. Па посакав да ѝ покажам дека се грижам за неа и се обидов да готвам, ама секогаш излегував од кујната со полесни телесни повреди“, изјави Снежана во емисијата „Блиц жена студио“.

Снежана Дачиќ со бизнисменот Владимир Микиќ ја доби ќерката Лаура.

Со него беше во десетгодишна врска, по што се венчаа во 2005 година. Кумови им беа легендата од фудбалот Драган Стојковиќ Пикси и неговата сопруга Снежана. Следната година се роди нивната ќерка Лаура.

Во 2014 година медиумите објавија дека парот се разведува, како причина беа наведени бројни несогласувања и наводна неверност на Владимир.

Папараците неколкупати го снимиле како се забавува во ноќен излез со дваесеттина години помлада Јована Миљковиќ. За да ја избегне медиумската врева, Снежана заедно со Лаура заминала во Црна Гора и не давала изјави за јавноста.

По извесно време разводот беше официјално потврден. Се шпекулираше дека Владимир ќе ѝ го остави станот на Нов Белград на Снежана и Лаура, каде што заедно живееја. Исто така, постоеја информации дека бизнисменот ќе исплаќа месечна алиментација од 350.000 динари.

Според законот, Лаура има право на алиментација сѐ до нејзиното полнолетство, односно до 25-годишна возраст доколку редовно студира.