НАТО „за сиромашни“: Две земји-членки не забележале дека дрон од 6 тони лета над нив – дронот се урнал кај Загреб

Претседателот на Хрватска и врховен командант на хрватските вооружени сили, Зоран Милановиќ, утрово свика итен состанок со членовите на оружените сили на Хрватска и безбедносно разузнувачките агенции поради падот на 6 тони тешкиот дрон од воен тип крај Загреб синоќа околу 23 часот. Притоа бил информиран за досегашните сознанија и околности за синоќешниот инцидент.

– Ова е сериозен инцидент. Треба да се утврди како е можно беспилотно летало од шест тони со големина на авион да помине повеќе од еден час над членка на НАТО, а никој да не го забележи“.

– Не добивме никаква дојава. Објектот летал над Унгарија повеќе од 40 минути, во Хрватска летал помалку од седум минути и паднал во областа Јарун, во Загреб, за среќа без жртви. Ова е сериозен инцидент и ние така се однесуваме кон него. Во тек е истрага, сакаме да ги утврдиме сите детали, рече Милановиќ.

Милановиќ, ги повика граѓаните да останат смирени, посочувајќи дека според проценките ова не било насоченко кон Хрватска.

– Во моментов, предмет на сериозна истрага е како е можно никој да не го забележал ова со оглед дека леталото во хрватскиот воздушен простор било многу кратко време, додаде Милановиќ

– Ќе се утврдуваат фактите. Како е можно несофистициран авион да помине повеќе од еден час над членка на НАТО, а никој да не го забележи? Во истрагата се вклучени воени служби. Како што стојат работите, леталото полетало од Украина, паднало над Загреб кога останало без гориво, рече хрватскиот претседател Милановиќ.

Советникот на министерот за одбрана на Украина, Маркијан Лубкјивски денеска за загрепски „Јутарњи лист“ изјави дека авионот што паднал во паркот во Загреб не е украински и дека очекува официјално соопштение од украинското Министерство за надворешни работи во соработка со Генералштабот на украинската армија.