Направи сам освежувач за лице – твојот брз трик за моментално освежување по тренинг

Нема потреба од комплицирана рутина за нега на кожата за да заблеска твоето лице по напорен тренинг.

Природниот face mist е тајната за моментално освежување и хидратација – а најдобро од сè е тоа што можеш сама да го направиш дома, брзо и лесно, со само неколку природни состојки.

Рецепт за освежувачки DIY face mist:

– 1/2 шолја цветна вода (розова или лаванда за дополнителна релаксација)
– 1/2 шолја дестилирана вода
– 2 до 3 капки етерично масло (на пример, мента за брзо освежување, чајно дрво за прочистување, камилица за смирувачки ефект)

Состојките само помешај ги во шише со прскалка и спрејот е готов за употреба!

Овој mist можеш да го користиш и во текот на денот – на работа, при патување или додека си во движење – за моментален сјај и хидратација, дури и без шминка. Совршен мини ритуал кој и ја враќа свежината и виталноста на кожата за миг!