Мадона се сврши со својот 29-годишен партнер, Аким Морис – извори откриваат дека сјае од среќа како никогаш досега

Според пишувањата на странските портали, „кралицата на попот“ Мадона, изгледа, влегува во ново, исклучително романтично поглавје од својот бурен живот.

Како што тврдат извори блиски до пејачката, 67-годишната музичка икона е во целосна еуфорија откако ја прифатила свршувачката со младиот фудбалер Аким Морис, маж кој во нејзиниот свет донел мир, радост и, како што велат многумина, емоција што не ја почувствувала со децении.

Тие двајца се запознале во 2022 година за време на снимање за списанието „Пејпер“, а врската започнала кратко потоа, кога Мадона се разделила од боксерот Џошуа Попер. Романската беше потврдена минатото лето, а гласините за свршувачка почнаа да се појавуваат на почетокот на годинава, кога Мадона на Инстаграм објави фотографии од патувањето во Токио — при што гордо го покажа блескавиот прстен кој веднаш го привлече вниманието на обожавателите и медиумите.

Извори блиски до пејачката откриваат дека Мадона „постојано повторува дека веќе нема време за губење“. По децении поминати во центарот на вниманието, турбулентни љубови и безброј професионални триумфи, таа, како што велат, сега копнее само по едно — автентична, смирена и нежна љубов. А токму тоа ѝ го овозможува Аким: „Тој ѝ дава чувство на сигурност, блискост, ја насмејува, ја поттикнува на вистински начин и се грижи за неа подобро од кој било пред него“, велат пријатели на пејачката.

Двојката неодамна го прослави 67. роденден на Мадона во романтична Тоскана, опкружени со нејзините деца и најблиски пријатели. Тие што присуствувале тврдат дека атмосферата била речиси филмска — погледи, допири, енергија, сè укажувало дека ова е почеток на целосно нова, емотивно стабилна и исполнета фаза од животот на поп-легендата. „Се гледаше на нив дека ова е вистинската работа. Таа е целосно заљубена, а децата го обожаваат“, вели семеен пријател.

Ако гласините се покажат како точни, вереничкиот прстен на Мадона нема да биде само симбол на уште една љубовна приказна, туку знак дека, по сите подеми и падови, конечно го пронашла она по што одамна трага — мир, блискост и љубов која е подеднакво страсна и стабилна.