Телото на прерано починатиот актер Лук Пери, кој стекна светска слава со улогата на Дилан во тинејџерската серија „Беверли Хилс“, но имаше и други познати ТВ и играни улоги, беше кремирано, а пепелта била расфрлана по неговата фарма во Тенеси. На оваа фарма Пери често го поминувал времето последните 20 години.
Според американските медиуми , последното испраќање на актерот ќе биде организирано за две недели и на него ќе присуствуваат најблиските роднини и пријатели. Лук Пери почина на 4 март , откако претрпе мозочен удар.
Неговите фанови од целиот свет, семејството и пријателите се надеваа дека ќе го преживее ударот, но само по два дена актерот беше исклучен од апаратите. Неговата ненадејна смрт на 52 години ги шокира сите.
