Лимон платина: нијанса на коса што го продолжува летото

Нијансата на руса коса што ќе ја посакувате оваа есен…

Ако постои една боја на коса што доминира на Инстаграм, ТикТок и модните писти оваа есен – тоа е „лемон платинум“.

Оваа примамлива, ведра нијанса личи на сончев зрак заробен во прамени – совршена за сите што сакаат да зачекорат во есента со сјајот на летото.

Името го смисли познатиот фризер Том Смит, и ја опишува потоплата, попозитивна верзија на класичната платинеста руса – без студените сиви тонови, туку со суптилен допир на лимон-жолта. Замислете ја Кирстен Данст, Ања Тејлор-Џој, легендарната Клаудија Шифер или незаборавната Керолин Бесет Кенеди – сите тие дами зрачат со софистицирана ретро енергија, а оваа боја совршено им прилега.

Со години, ладниот, „замрзнат“ платинест тон беше крајната цел на русокосите, но трендовите се свртеа кон понежни, потопли „путерести“ нијанси кои ласкаат на различни тонови на кожа и ѝ даваат на косата луксузен и речиси винтиџ шарм. Оваа сезона, топлината на бојата не е несакан ефект – таа е изјава сама по себе.

Познатата фризерка Џена Пери (која ја направи Кендал Џенер русокоса) го обожава овој стил, бидејќи ѝ дава живост на косата, а не ја оштетува. Добрата вест? Ако веќе сте русокоса, ефектот може да се постигне без агресивно бланширање.

Како да ја побарате оваа боја во салонот?

Кажете му на фризерот: „Сакам многу светла, чиста руса со благо лимонска нијанса – не златна, не карамела, и во никој случај пепеласта.“ Целта е ефект на бакната од сонцето, а не класична ладна руса.

Зошто не треба да се плашите од жолтите тонови?

Во оваа верзија, жолтиот тон е целосно контролиран и намерен – му дава живост и длабочина на изгледот, наместо да изгледа како лош избор.

Одржување

Користете „clarifying“ шампон за бојата да остане чиста и свежа, и избегнувајте солена вода и хлор во текот на сезоната на капење – тие може да ја пригушат оваа раскошно светла нијанса.

Лемон платинум е храбра, модерна и малку кокетна боја на коса што ја носи истовремено свежината на летото и елеганцијата на есента. На кратко – совршена за сите што сакаат косата да им изгледа како од моден едиторијал, а не само од фризерски салон.