Криза на средните години или нов почеток? 5 вистини што никој не ви ги кажал

Онај момент кога по четириесеттата почнуваш да се преиспитуваш за сè – од изборот на фризура до изборот на партнер – и си велиш: „Дали полудувам или ми се отвора ново поглавје?“ Можеби не си во „криза“, туку си среде сериозен, освежителен апгрејд на животот.

Холивуд ни ја продаде кризата на средни години преку клишеа: црвен кабриолет, помлад партнер, ненадејна промена на кариера. Но вистината е многу повеќе фасцинантна и далеку помалку стереотипна. Еве пет мита за оваа прочуена животна фаза… и што всушност се крие зад нив.

1. МИТ: СИТЕ ПОМИНУВААТ НИЗ КРИЗА НА СРЕДНИ ГОДИНИ

Вистина: Само околу 25% од луѓето навистина доживуваат драматични внатрешни турбуленции околу четириесеттата или педесеттата. Кај останатите, промените доаѓаат порано, подоцна – или никогаш.

2. МИТ: САМИТЕ ГОДИНИ СЕ ПРЕДИЗВИК

Вистина: Возраста е само број. Вистинските предизвикувачи се животните настани – развод, нова кариера, деца што заминуваат од дома, грижа за постари родители…

3. МИТ: КРИЗАТА Е СЕКОГАШ ЛОША

Вистина: Може да претставува златна шанса повторно да се откриеш себеси. Нов хоби, патувања, одамна потиснати желби – сето тоа може да стане дел од твојот „втор чин“.

4. МИТ: ГОЛЕМИТЕ ПРОМЕНИ ЗНАЧАТ ДЕКА СИ „ПУКНАЛА“

Вистина: Можеби само значи дека си доволно мудра, храбра и силна да го правиш она што отсекогаш си го сакала, но сега конечно си подготвена да го направиш.

5. МИТ: КРИЗА = ДЕПРЕСИЈА

Вистина: Депресијата е сериозно ментално нарушување и се разликува од животно преиспитување. Ако чувствуваш постојана тага и губење на интерес – побарај поддршка. Грижата за менталното здравје не е луксуз, туку потреба што мораш да си ја приуштиш.

Заклучок? Кризата на средни години не е задолжителна станица, туку отворена капија кон нови можности. Можеби најубавото животно поглавје започнува токму на 45 – или на 55.