Пејачката Рада Манојловиќ не крие дека во овој момент е многу среќна. Сепак, не крие и дека стравува дали толкавата среќа може да предизвика некаква несреќа.
– Толку многу зборувам дека сум среќна, можеби би требало… – рече Рада. На прашањето на новинарите дали некој се обидел да ја уреќе, таа потврди:
– Некој сигурно се обидел таму преку Морава. Не знам, но факт е дека, кога имаш многу луѓе кои ти сакаат зло, нешто ќе те сопне. Имало такви случаи, во моето село луѓето помалку веруваат во тоа, но ние навистина наоѓавме разни работи – чудни снопови, изгорени свеќи врзани на необичен начин, наопаку – започна својата исповед Рада Манојловиќ за “Scandal!”.
– Тие работи ги наоѓавме кај мене на ќуприја, на мојот приод. Во селото најдов сешто – разни магии и ужасни нешта. Сепак, мислам дека она во што веруваш, тоа ќе ти се случи – така што ако се исплашиш од тоа, ако поверуваш во суеверија, може да ти се случи било што.
– Тоа беше пред повеќе од 10 години. Една жена, која се занимава со тие работи, ме повика да ме “спаси”. Мораш да знаеш дека само Бог може да те спаси. Наводно, ми беше засадено дрво на смртта, на гробишта, близу гробот на мојата мајка. Ми беше објаснето како изгледа и дека морам брзо да го најдам, да го исечам, и веројатно би морала уште вечно нешто да правам ако тргнев во тој процес на отстранување на тоа дрво – откри Рада Манојловиќ, која од црната магија се заштити со верата во Бога.
– Тогаш ми објасни: како што тоа дрво расте, така ме влече кон оној свет; како што му зајакнува коренот, така ми се приближува смртта. Потоа те повикува некој колега, а таа ќе каже: “Му кажав, не ми поверува, имаше сообраќајна несреќа” – и тогаш тој ти го потврдува тоа.
– Требаше да летам за Австралија, се плашев од авион, и сонував како ми зборува мајка ми: “Не влегувај во авион”. Толку многу ми се натрупа тензија. Тогаш самата на себе си реков: имаш ангели и демони, на кого ќе му го отвориш срцето, така ќе ти биде. И си кажав – го имам мојот ангел чувар, мојата мајка, го имам Бога, и така ќе ми биде.
– Луѓето се злобни – колку има добри што ти посакуваат добро, толку има и зли – и зошто не би се обиделе да те сопнат?
