Корисниците на Икс откриваат што треба да постигнете до 35 години

Никогаш не е доцна за да се постигне нешто големо, но има некои работи што едноставно треба да се случат на време. Корисниците на мрежата Икс, поранешниот Твитер, ги споделија своите духовити размислувања за тоа што човек треба да постигне до 35-та година, при што на забавен начин ги опишаа чувствата на возрасните денес.

Сè започна кога веб-страницата MarketWatch објави текст во кој советува дека до 35 години треба да имате заштеда во висина на двојната плата. Луѓето веднаш почнаа да ја критикуваат оваа препорака и да нудат свои алтернативи.

Погледнете што, според корисниците на Икс, треба да постигнете до 35 години:

– До 35 години треба да поседувате куп пластични садови и капачиња што не се совпаѓаат. И неколку капачиња што паѓаат секој пат кога ќе ги отворите кујнските врати.

– Кога имаш 35, секогаш си подготвен за во кревет. Во секое време. Колку порано, толку подобро. Всушност, најдобро е воопшто да не излегуваш од него.

– Штом ќе наполниш 35, веруваш дека деведесеттите беа пред само пет години.

– До 35 години, мораш да имаш столица во спалната соба за облека што не е доволно валкана за перење, но те мрзи да ја вратиш во плакар.

– До 35 години треба да сфатиш дека сите само се преправаат и никој навистина не знае што прави.

– До 35 години, сигурно ќе забележиш сличности со родителите што си си ветил дека никогаш нема да ги прифатиш.

– До 35-та година, треба да имаш фиока полна со пластични кеси во кои има други, помали пластични кеси.

– До 35 години живот, треба да имаш најмалку 40 години работно искуство… барем така изгледа кога аплицираш за работа.

– Слушај, Меган Маркл не беше војвотка до кога не наполни 36 години, па прекинете веќе со тоа што треба да се постигне до 35 години.

– До 35 години, треба да имаш цел список со изговори за откажување на сите планови.

– Требаше да го заработиш првиот милион до 35-та година. Јас токму што го направив тоа. Првиот милион грешки.

– До 35 години треба повторно да го изгледаш „Бриџит Џоунс“ и да си помислиш: ‘Имаш само 30 години и можеш да си дозволиш самостојно живеење?!’

– До 35 години треба да можеш да ја изговориш зборот „вагина“ без да се зарумениш.

– До 35-та година, мораш да научиш како да бидеш задоволен со личноста покрај тебе.

– До 35-ти роденден треба барем да ги наполниш 35 години.

– До 35-та година, треба да имаш своја фотографија скриена на таван, додека лицето ти изгледа вечно младо на сите фотографии на социјалните мрежи.

– До 35 години треба да прифатиш дека капитализмот ќе го цеди животот од тебе додека газдите стануваат сè побогати на грбот на своите вработени.

– До 35 години би требало да имаш барем 10 евра.

– До триесет и пет години треба да имаш триесет и пет години искуство како човек на оваа планета.

– До 35 години треба да имаш сопствено толкување на квантната механика.

– До 35 години не треба точно да знаеш колку години имаш. Ќе кажеш 35, ама нема да бидеш сигурен. Всушност, нема да бидеш сигурен ни во ништо друго.

– До 35 година, треба да ти биде јасно дека ако менструацијата ти закасни еден ден, не треба да помислиш дека е крај, ама и да не бидеш изненадена кога ќе се појави следниот ден.