Кој е момчето од Подгорица што го засени моќниот Душан Влаховиќ?

На стадионот во Торино, каде што секогаш се испишува историја на италијанскиот фудбал, синоќа се случи една мала, балканска приказна.

Василие Аџиќ, младиот фудбалер од Подгорица кој има само 19 години, стана херојот на ноќта. Со својот спектакуларен гол во дресот на Јувентус донесе победа и три значајни бода откако Душан Влаховиќ беше заменет. Насловите што следеа не му беа пријатни на српскиот напаѓач, кој и онака поминува низ тежок период.

Најгласното име во српскиот фудбал, момчето кое на само 20 години стана лице на насловните страници, симбол на гламур, милионски трансфери и огромни очекувања, последните месеци живее сосема поинаква реалност: нестабилна минутажа, повреди и гласини дека Јувентус сака да го продаде. Од херој во дресот на репрезентацијата до играч кој повторно бара самодоверба во црно-белиот дрес на Торино.

Селекторот на Србија, Драган Стојковиќ Пикси, изјави:

— Не му е лесно, тој не е стандарден играч во Јувентус. И психолошки и физички, тешко е тоа да се издржи, секојдневната медиумска тортура, постојаното спомнување на неговото име… Предпоставувам дека тоа остава последици. Тој е психолошки стабилен, барем според моите впечатоци од разговорите и заедничките тренинзи, поседува зрелост и стабилност за да ги преброди предизвиците што го снајдоа. Што ќе се случи во клубот, тоа е нивна работа, за нас е важно да дава голови, да носи бодови. Физички изгледа одлично, што значи дека напорно тренира. Овој натпревар ќе остане запаметен по нашата победа и неговиот гол.

Василие Аџиќ е роден во 2006 година во Никшиќ и е најмладиот играч во историјата на Јувентус што постигнал гол против Интер.

Се смета за еден од најталентираните млади фудбалери на Црна Гора, а често го споредуваат со Роберт Просинечки.