Ќеркичката на татко Ноле наполни 8 години – Новак Ѓоковиќ ја обожава малата Тара

Татковата миленичка наполни 8 години: Новак Ѓоковиќ ја обожава ќерката Тара

Ќерката на Новак Ѓоковиќ и неговата сопруга Јелена, слатката Тара, денес го слави својот осми роденден. Специјален ден за семејството Ѓоковиќ минува во емоционална атмосфера, иако Ноле поради обврски на турнир во Њујорк не можеше да биде со својата миленичка.

Иако тешко му паѓа што не е присутен на овој значаен ден, нема сомнеж дека штом се врати, ќе направи сè со Јелена и синот Стефан за да и приредат незаборавна прослава.

Тара неодамна тргна во второ одделение и веќе покажува голема љубопитност и желба за учење. Иако е сè уште мала, таа е центар на вниманието во домот на Ѓоковиќ, а Новак отворено зборува колку ужива во татковската улога и колку е горд на својата ќерка.

Посебно внимание привлекуваат нивните семејни прослави, кои Јелена и Новак секогаш ги организираат со многу љубов и внимание.

Минатата година, Тара уживаше во вистинска бајка – прославата беше организирана на отворено, со многу балони, огромен надуен замок, лизгалки и животни кои децата можеа да ги галат и хранат. Дружењето продолжи во затворен простор од ресторан, каде децата продолжија со забава.

Интересно е што на роденденските торти на Стефан и Тара никогаш нема свеќички. Јелена еднаш објасни зошто:

„Сите сме во косовските манастири и цркви палеле свеќи за живи и за починати, за здравје и мир. Свеќата е симбол на несебична жртва – таа согорува себеси за да даде светлина на другите. Таа е симбол на животот и просветлувањето, на отфрлање на стравови и темни мисли од нашиот ум и срце и предавање на божјата светлина. Како тогаш го прифативме обичајот роденденот – прослава на животот – да го обележуваме со гасење на свеќа? Се запрашав и сакав барем во својот дом да го сменам тој обичај“, изјави Јелена.

Тара, според блиски пријатели на семејството, е вистинска татковска миленичка, а Ѓоковиќи и оваа година сигурно ќе го одбележат нејзиниот роденден на бајковит начин, како што веќе нè имаат навикнато.

02/09/2025