Испробајте ја неверојатната маска од тиква

Испробајте неверојатна маска од тиква

Вкусните тикви не се само одлични за подготовка на десерти, туку се идеални и за нега на кожата.

Кога доаѓа есента и започнува сезоната на тикви, на трпезата често имаме топли тиквени супи и питести деликатеси. Но, оваа есен ви предлагаме да ја искористите тиквата на поинаков начин. Благодарение на својот состав, тиквата има многу корисно дејство врз убавината. Таа содржи голем број витамини – А, Ц и Е, кои се корисни за кожата и помагаат во спречување на првите знаци на стареење. Присутни се и цинк, калиум и антиоксиданси кои ја смируваат и хранат кожата.

Како да ја вклучите тиквата во вашата рутина за нега на кожа?

Подгответе освежителна и хранлива маска од пулпа од тиква, која ќе ви подари убава, здрава и сјајна кожа. Најдоброто е што се подготвува едноставно, а сигурно ги имате потребните состојки дома.

Што ви е потребно?

• две лажици пулпа од тиква
• половина лажичка мед
• половина лажичка млеко или јогурт

Подготовка и примена:

Измешајте ги сите состојки додека не добиете хомогена смеса и со прсти нанесете ја на чисто лице. Маската може да се нанесе и на вратот и деколтето – тогаш удвојте ја количината на состојки. Оставете да дејствува околу 20 минути. Отстранете ја нежно со влажна крпа, потоа измијте го лицето и нанесете хранлива крема.